رسول اللہﷺ کے گھوڑے
:ابن سعد نے رسول اللہﷺ کے سات گھوڑوں کا تذکرہ کیا ہے
سَكْب:
ہجرت کے بعد نبی کریمﷺ نے ایک اعرابی سے گھوڑا خریدا۔ یہ پہلا گھوڑا ہے جو نبی کریمﷺ کی ملکیت میں آیا۔غزوہ اُحد میں رسول اللہﷺ اس پر سوار تھے۔مسلمانوں کے پاس اس غزوہ میں صرف دو گھوڑے تھے۔ایک رسول اللہﷺ کا یہ گھوڑا،اور دوسرا ابوبردہ بن نیار کا مُلاوَحٌ نامی گھوڑا تھا۔
لِزَاز:
یہ گھوڑا رسول اللہﷺ کو مقوقس بادشاہ مصر نے ہدیہ میں بھیجا تھا۔
ظَرِب:
یہ گھوڑا رسول اللہﷺ کو فروہ بن زبیر جذامی نے تحفے میں دیاتھا۔
مُرْتَجِز:
اس گھوڑے سے ایک معروف واقعہ وابستہ ہے۔رسول اللہﷺ یہ گھوڑا ایک اعرابی سے خرید رہے تھے۔سودا ہوچکا تھا۔قیمت کی ادائیگی باقی تھی۔اتنے میں اعرابی نے کسی اور کے ہاتھ یہ گھوڑا فروخت کردیا۔ رسول اللہﷺ نے فرمایا۔کہ تم یہ مجھے فروخت کرچکے ہو۔اس نے انکار کیا اور گواہ کا مطالبہ کیا۔حضرت خزیمہ بن ثابت انصاری اتنے میں آنکلے۔ معاملے کا علم ہونے پر انہوں نے رسول اللہﷺ کے حق میں گواہی دی۔ جس پر اعرابی آپﷺ کو گھوڑا دینے پر مجبور ہوا۔ رسول اللہﷺ نے خوش ہوکر ان کی گواہی دو آدمیوں کی گواہی کے برابر قرار دی۔
وَرْد:
یہ گھوڑا رسول اللہﷺ نے حضرت عمر کو عطا فرمادیا تھا۔
لُحَيْف:
یہ گھوڑا رسول اللہﷺ کو حضرت ربیعہ بن ابی البراء نے ہدیہ میں بھیجا تھا۔
ساتویں گھوڑے کا نام’’سَبْحَة‘‘تھا۔
ابن قیم کہتے ہیں کہ ان سات گھوڑوں کے رسول اللہﷺ کی ملکیت میں ہونے پر اہل علم کا اتفاق ہے۔بعض لوگوں نے ان کے علاوہ پندرہ مزید گھوڑوں کا بھی تذکرہ کیا ہے۔(زاد المعاد۔ص44)
ابن قیم نے ان پندرہ گھوڑوں کے اسماء کا ذکر نہیں کیا۔ذیل میں ان کا ذکر کیا جاتا ہے:
مُلاَوِح. الطِّرْف ضَرْس
شَحَا مَنْدُوب مِرْوَاح
بَحْر أَدْهَم نَجِيْب
اَبْلَق مُرْتَجِل يَعْسُوب
سِرْحَان الْعُقَّال سِجْل
َعْبُوب۔
